樂園日@24-3-2007

3月24日 (土矅日)  陰  池袋----三鷹之森----井之頭公園----吉祥寺---Sanrio Pourland----池袋  (宿: Hotel Sun City)

今日準時0800 起床, 梳洗後, 食昨晚買回來的大割引飯糰x2 (原價200, 收舖前半價)!!haha.....

0900出發....先到今晚住既 Hotel 放低行李, 然後才正式展開今日既行程.....

池袋 (山手線)--->新宿 (中央線)--->三鷹駅--->貓巴士

係大約1015 到達三鷹之森, 唸住過對面的lawson 買飛, 點知full晒，都唔知點算...唸唸下, 決定到館前博一博...開頭個職員都話冇辦法, 後來我地再三哀求, 佢終於攞出張memo 紙, 寫左幾隻日文字, 叫我地攞張紙去JTB 買飛 !! ha....掂左, 立即決定由我去買飛 (因我係團長, 認路叻d...haha), 兩位團員就係度等....去到貓巴士站一問, 先知JTB 原來好鬼遠, 不過都要去ga la.....去到原來要SHOW PASSPORT, 但我得自己個本, 而兩位團友的PASSPORT No......唯有作啦....(幾驚入場時要對呀...好彩唔使.....)擾攘一輪, 終於買到飛啦....1110入場, 真係好靚呀, 不過裡面唔俾影相, 可惜....可惜....仲有呀, 入面d 精品好死貴的.....

貓巴士

三鷹之森入口

外觀....

好靚既廁所

偷偷地影既相...

留意背景, "貓之報恩" 既 "貓之事務所" 呀....

o黎張近鏡....

其他靚相......又會令你想起哪套 "宮崎駿" 的電影呢???

參觀完畢, 就行過去隔離既 "井之頭公園", 有不少人在賞櫻&野餐, 我地仲問人借d 地方坐下, 扮野餐....雖然, 都唔係好多櫻花, 但已很興奮...... 

再跟住就行去 "吉祥寺", 好多人都以為呢度係間寺廟, 其實係一個地區名o黎 ga, 有好多較平民化既小店.....係呢度行左陣, 就去排隊買呢樹最出名既 Satou "炸牛肉球", 足足排左成個鐘先買到.....真係好好味.....

長長的人龍....都係為左買牛肉球

 

買到啦....

食飽飽....就出發去今日既最後一站........Sanrio Pourland.....

吉祥寺駅(京王井之頭線)--->明大前 (京王線)--->調布 (京王相模原線)--->京王多摩センター 駅(walk)---> Sanrio Pourland

轉左一大輪車, 終於在1645 到達Sanrio Pourland, 呢度真係充滿童話色彩, 好靚, 影左好多相, 巡遊表演時仲拍埋video tim..... 

大門前

廁所都好靚ga.....

卡通巡遊&歌舞表演

其他靚相.....

 
行完, 就係附近的餐廳食dinner, 然後番酒店.....

京王多摩センター 站 (新宿急行) ----> 新宿 (山手線)----> 池袋

回到酒店, 2115在對面一間網吧上網, 好抵, 一個鐘都係 290 yen, check 下 email & 整理下d 相, 好快就夠鐘, 要番歸啦......今晚又攪到0030 先訓......  

hotel sun city 既 triple room....呢間 hotel 係正池袋北口對面, 地方都算整潔, 服務又唔錯....最緊要平ma(三人房都係15600 yen一晚)....真係值得推介.... 

戰利品

是日支出:

hotel: 5200

三鷹之森入場券 & bus : 1330

Satou 炸牛肉球: 600

車費: 980

lunch: 290

sanrio 入場費: 1000 (4:00後入場 + coupon 特價)

水果: 298

手信:1469

internet: 290

Total : 12227