3 月20 日(火矅日) 晴 池袋-----川越-----池袋 (宿: 第一inn池袋)
今日行程只打算去"川越", 所以可能以瞓晏d, 0900 先起身, 0945 出門口!! 去到池袋駅, 搵左一大輪, 先搵到"西武線"既 courter , 買左西武一日pass, 準備出發.....
池袋-------> 所沢------->本川越 (西武新宿線 1015-1140)
去到川越, 睇睇觀光map, 指示在駅前就有觀光巡迴bus, 但搵極都搵唔砌, 仲勁大風, 吹到頭都暈呀.....好彩見到暑警局, 即刻入去問下路, 警察叔叔指面, 示意五分鐘就有車, 我地等左一陣(1205), 真係有車啦.....
我地決定先坐bus 遊個round, 周圍睇睇先落車, 巡一round 約30 mins.....
遊完一圈, 我地第一站去既係-------在中院站落車既"天野山中院" !! 嘩....見到我地呢個 trip 既第一次櫻花呀....雖然唔係好多, 但已經好開心啦.....影左一輪相, 就去下一站........"喜多院"
中院門前
中院之櫻...
喜多院......
喜多院之櫻.....
到此一遊後, 係時候lunch 啦(其實都好晏, 成1500 啦).....來到 "藏前一番街", 去左一位網友介紹既"壽奄"lunch, 我點左"天婦羅抺茶冷麵井", 真係冇介紹錯, 麵質超彈牙, 香港真係食唔到ga....
係門外見到既一棵小樹.....幾靚......
食飽飽, 已經1600, 周圍行下街, d 街道好有特色, 不過太多車, 好難影相.....
川越街景, 好古色古香ga.....
最後, 去埋"菓子橫丁", 唔知係晏左, 定o甘o岩今日休息, 好多舖頭都冇開, 行左一陣, 買左少少野就走啦!!
搭1718 尾2 呢班觀光bus, 番到本川越駅, 見天色開始黑, 所以在駅前商場行左一陣就走啦....
番到池袋, 去西武百貨的超市買d水果, and 入定coming 3 days 既糧食(因跟住三日去箱根, 其中一晚溫泉hotel 冇 dinner, 又驚死個度貴, 所以入定貨
食飽,番酒店, 執定簡單行李, 準備明天出發去三日兩夜既"箱根河口湖之旅"啦......
今日買既手信.....
仲係樓下便利店買左杯布丁o黎 食 tim.....
是日支出:
川越一日 pass : 2200
"壽奄" lunch : 1500
手信: 450
零食: 1088
supermarket 入貨: 660
dinner : 650
Total: 5568
DAY 2 <----- DAY 3 完 -----> DAY 4
沒有留言:
張貼留言