2007 全日本賞櫻,溫泉遊 (三十二日之旅)---前言

說起這次旅行, 就要由去年十月講起啦........

話說2006 年的8月某天....跟朋友 F 說起旅遊夢, 想去一次一個月的,本來都係講下....點知一個月後...朋友F 竟認真地問我會否實行計劃, 因她好想唔做份工....而我亦一口應承!!

決定進行後,便要唸去邊, 最初是北望神州的....但後來覺得這是我們第一次作如此旅行, 都係決定去一個安全又易去的地方......最後決定去-------------日本 !!

目的地已定,便要唸出發日子....最初想11月去睇紅葉的, 亦可有充裕時間儲彈藥, 但朋友 F 又覺得實在太想辭職, 故想提早起行.....幾時好呢??? 暑假又貴, 五月又冇 mud 野睇... 最後決定三月出發, 展開櫻花之旅.......

一切落實之後, 便開始我的資料搜集工作(朋友 F 將此重任,全給我處理...而我亦樂在其中的, 雖然有時睇都睇到眼花.....)....上網...去圖書館借書....一輪咪書後, 心中已定出初步行程....先去北海道(想睇水尾雪景), 再落大阪...最後屈番上東京玩埋周邊.....再加埋日本各大名溫泉........經過幾個月以來既資料搜集, 細緻行程在一月初終定下, 亦開始上網 book 住宿.....當一切準備得七七八八了.....就在二月頭某天....新聞報告竟話日本今年暖冬, 雪提早溶化....這使我們要重新考慮北海道之行.....經過大家認真磋商.....最後決定放棄.....行程亦要重新安排, 並即刻 book 過晒 d 住宿....經過改動後的行程....更吸引了朋友 T , 她決定 join 我地頭 8 日.......

攪掂晒後....便開始格機票價, 買 jr pass, 最後修訂行程, 篩選有用的資料帶上路....執行李(最頭大的一part)........最後......緊張地等待 318 呢個大日子既來臨........ 

參考資料:

最強日遊攞料網站: 1, dawndawndog      2, ec2 Japan

住宿: jpstay   日本訂房網 (日文)    

唔識日文, 唔緊要....用 翻譯網 啦....

自由行, 最緊要知點搭車.....來 yahoo 路線情報 啦...check 完, print 出來帶埋上路, 問起路來都方便d....

其他正網: 小妹私房網      幻象鳥     旅遊人生

** 呀.....各位, 我每篇遊記入面, d 景點都整左d 連結ga.....click 下 D 藍色字就有野睇ga la.....