O i shi i

昨天早上, 番工的時候, 突然心血來潮, 唔想放工後就回家, 便相約朋友 B 一起行街街及Dinner......

放左工, 先陪朋友b入將軍澳攞野, 之後先唸去邊, 最後決定去又一城.....

行左兩個鐘, 戰利品就係"H&M" 價值$29 既頭夾一對LA......

行到6:00 度, 係時候唸下去邊到開餐啦.....打電話問下人有MUD 平, 靚, 正好介紹, 朋友A 推介左一間食日本野既食店, 佢話呢間 D 定食唔貴(約$100 SET)又幾正, 便決定到此一試~~~~ "稻穗亭"....

坐低睇下餐牌, 呢度D 野食都唔貴, 本來都唸住叫定食, 點知朋友 B 睇中既係魚生飯定食, 一SET 要$160......咁我就提議......反正叫兩SET 都 $3XX, 不如叫套餐啦.....

haha....我地兩個為食鬼, 揀來揀去.....最後竟然揀左個最貴既餐~~~~ 價值$ 480 既"鮑魚牛肉套餐"......

嘩.....好正呀.......咁貴都係抵 ga.......真係好有日本風味......更勾起我既日本情意結.......好想即刻飛去呀.....

個餐有幾正?? 睇野啦......

三款前菜....唔錯ga.....

超鮮甜肉厚既魚生.......

"機" 煮鮑魚~~~ 肉厚彈牙, 真係好正, 有d 乾鮑 feel......連汁入面既黃豆都係咁正....

新鮮香脆既天婦羅& 香滑味美既蒸蛋....

軟殼蟹壽司, 一個字~~~ 正......

另一個主角~~~ 野菜牛肉卷, 鬆化既牛肉, 好juicy.....

另外既炒野菜, 都好有驚喜, 非常鮮甜.....

最後係湯烏冬& 蕎麥冷麵......

非常滿足的一餐, 忍唔住要大叫一聲~~~~~ O i shi i..........

 

兩餐都係$2XX~~~ 食唔飽 VS 飽到爆

剛過去的星期四係開工大吉日, 相約朋友 F 吃晚餐, 約好先醒起當日正是情人節, 但對於我倆都是單身貴族的人冇所謂啦......

我地決定去中式餐館開餐, 應該唔會受情人節影響"掛", 最後選定"潮樓".....

點知去到個侍應不停向我地推介一個$398既二人套餐, 見有翅, 有魚, 又有我最愛既"石榴雞", 便ORDER 左啦..... 

頂.....D 野 o黎 啦......就知自己中招啦.......d 野碟碟都係細細碟, 根本就食唔飽, 激鬼氣, 以呢個價錢係呢度食, 食到反肚都得啦.....死蠢呀......

 

跟住今日(昨晚決定既)即興想去金鐘"萬豪"食tea buffet, 便相約朋友c 一起去.....

嘩.......好耐冇來啦.....依然係咁正, 雖然tea 都要$208, 但真係一分$$ 一分貨gei, 超正呀....有幾正, 睇野啦.....

首先經過一條擺滿靚酒既走廊, 好grand 呀.....

各式各樣既美食.....

花膠呀....正...正...正......

仲有鴨舌.....

tea 都有各式魚生, 壽司呀.....

後來發生左一段小插曲, 附近張枱係4:30 (buffet 時間係3:15-5:00), 既時侯, 來左兩個疑似同性戀關係既男子, 佢地高調的晒關係都唔係最精彩, 好戲在後頭, 佢地可能因為驚夠鐘冇得食, 所以一次過攞左好多野食, 擺到張枱都唔夠位, 要waiter 比埋後面張枱佢地擺......我吼佢地出左去, 即刻影左張相, 個waiter 即忍唔住笑, 話有另一張枱都係度影相.....而佢更話未見過如斯場面, 好心咁趕就唔好食啦.......比佢笑死.......

新年睇好戲

今個新年假期前後, 睇左兩套戲, 分別係响2月3 日睇既 "CJ 7 " 同 呢個星期二睇既"魔法奇緣"......

呢兩套戲都唔錯, 但我就鐘意後者多好多啦.....

CJ 7 講既係父子情, 係一套細路仔戲, 大人睇就悶左D, 劇情比較簡單, 但都有D 感動位同笑位既......不過整體來講, 都係啱小朋友多D.....

而"魔法奇緣", 我真係覺得好好睇, 動畫加真人既演譯, 好得意有趣.....故事亦都唔錯, 好 WARM 好 SWEET.....個女主角又幾靚........總知就係一套好戲啦...值得推薦.....

星期二睇魔法奇緣是在MEGA BOX 睇的, 第一次係呢度睇戲, 感覺都唔錯, 惟一係D CHAIR 窄左 D......

係睇戲之前, 我地係MEGA BOX 既"越色牛肉河餐廳" 醫肚....貪佢價錢唔貴, 叫左個二人套餐都係 $158+10%.....味道都唔錯, 不過唔知係咪新年特別旺呢, ORDER 後 D 野食等左好鬼耐先o黎......

每人可揀一碗粉~~~ 我揀左蕃茄牛腩河

上湯浸時蔬

海哲雞絲沙律

炸軟殼蟹卷

甜品~~~ 西米糕

 

紅豆暖包

呢輪天氣真係好~好~好~好~~~~~ 凍呀........仲一d 回暖既跡象都冇.....想凍死人咩.....

咁啱比我係 bk 見到d 人話整紅豆暖包o黎保暖, 見幾得意, 又易整....就一於唔執輸, 整番個來暖下先.....

今朝老豆去飲茶時, 叫佢幫我買左一斤紅豆番來.....原來一斤都唔係好多ga 咋......

好.....食完lunch....開工.....

預備好d "架生"先...... 毛巾....紅豆....針線用品.....

將毛巾剪開一半, 開始縫製......

哎呀....一個唔小心, "拮" 親隻食指tim......

終於縫好個袋啦......

入d 紅豆落去先......

再縫埋個口....完成啦.......

即刻攞去叮下佢.....嘩....真係好暖呀.......

咁啱見我老豆訓緊晏覺, 就比左呢個佢.......決定晏d 再幫自己整多個.....而且今次要買兩斤紅豆, 整個大既先......

嘩....嘩.....嘩......勁呀.......

經過三日來足不出戶.......我終於完成了鼠年第一個創舉~~~~~ 完成我既日本遊記啦.........大家要捧場呀.........

達成了我鼠年第一個目標呀........其他的.....一定會更努力完成.......

後記@2007 全日本賞櫻,溫泉遊

後記~~~~~~

今次日本之旅, 可算是超額完成!!

從決定這次日本之旅.........到搜集資料........到編定行程........到上網book 酒店........到出機票買 jr pass........到準備物資.........到出發.....再到行程完滿結束.......對我這個自由行初哥來說, 更是感受良多.........

首先, 最最最開心就是要感謝天公造美, 除左响東北個幾日多D 雨水之外, 其餘日子都很不錯, 即使唔係日日陽光普照, 但總算沒有影響行程, 使我地開開心心每一天丫……

第二, 當然要多謝我的兩位好朋友啦..........多得她們對我的信任, 將她們的旅程交給我, 行程上亦互相配合, 令我這個領隊工作順利.........HAHA……(我也很稱職吧!! 做足功課ga…..)

這個旅程, 更令我體會到朋友相處之道~~~ 只記住好的事吧…….即使是更好的朋友, 畢竟是不同性格, 不同生活背景的人, 要在異地相處多日, 絕對不是易事……當然會有意見不合, 拗撬, 不滿的時候……這時, 就是要發揮包容精神的時候了……覺得佢可以改既就同佢講…..冇得改既就算了吧….每人都有缺點(自己更多吧….hehe….), 懂得忘記最重要.......只記住好的, 便大家都開心啦……..

最後, 更要多謝各方網友, 雖然大家互不相識, 但當有問題post 出來時, 都會有很多熱心人幫忙, 這使我好感激, 更慨嘆互聯網的偉大, 不但使我們能知天下事, 更能足不出戶而獲得大量資料….使我這次旅程能順利完成….

最最最後…….以我這個對日文又盲(唔識睇), 又聾(唔識聽), 又啞(唔識講)的人……能完成今次創舉……真的是無憾了……..

回家日@18-4-2007

4月18日(水矅日)   晴   池袋~~~ 成田機場~~~ 香港

今日係行程既最後一日啦…….真係好好好唔捨得走呀……..快樂不知時日過既意義今次真係有好深既體會呀……

來往過無數次既 JR 池袋駅東口通道......

今日既行程都好輕鬆, 上午去Sunshine City 行下……

餃子街

Ice-creamCity

臨尾見到間Anna Sui 專門店, 因為已經冇mud 錢, 所以淨係買左對絲襪咋……行完, 夠鐘食lunch, 本來唸住去番第一晚食個間sabu sabu 牛肉放題, 來個首尾呼應(而且lunch 仲平d tim….), 點知有好多人等位, 等得o黎就驚趕唔切搭已經買左飛既Narita Express(1330), 惟有放棄啦……

係附近搵間台灣料理放題, 係一對台灣夫婦開的, 佢地仲同我地寒暄一番…..至於味道就一舨啦……

食飽就要番酒店開始我地浩大既工程~~~~ 搬行李走啦…….

幾經辛苦, 又兜路入百貨公司搭lift, 又搬樓梯……終於搬到去月台啦……

坐上價值3110yen 既 Narita Express, 舒舒服服去機場啦……

來到機場, 將身上有既yen 散埋佢…….買左幾盒朱古力糯米磁, 同埋好多人話平& 朋友託我買既雨傘…….呵…….呵…….財散人安落lu…..

行完去check in la…….大事發生啦…..我同團員F 一齊check in , 磅行李, o……超重…….要打開個喼執咁d野出來……都係超重, 我地 “ngai” 左個職員一陣, 終於比過…..但另一個問題出現la…..比另一個八婆空姐見到我地下個堆唸住hand carry 既行李…..就同我講每人只可帶一件hand carry, 要我選一件帶上機, 其他個d 一係post 番香港, 一係比over load charge~~ 2000yen 1 kg……佢都short ga….咁貴點寄呀…….正當唔知點算好之際, 突然比我唸到……....叫同機既香港人幫我地寄埋倉……於是我同團員F 就分頭搵D 攞住少d 行李既人幫啦……好彩, 幾經辛苦, 終於都有人肯幫我地(d 人都好猶豫ga, 驚我地唔知要佢寄mud ar ma……)….連個裝滿野食既agnus b 紙袋都照寄, d 工作人員仲好心幫我封條牛皮膠紙, 攪到我擔心左成程機, 驚d 野食會碎晒……

飛機準時起飛……….再見啦…….日本

哈……又好好彩喎……d 野食無驚無險番到來喎………

JAPAN..........I will be back sooooooon…………..

*** 各方好友.......唔好意思, 因為今日既遊記唔係當日寫既(一番到香港, 就懶過鬼...),而係今時今日先靠記憶寫番, 所以D 時間同使費已無法記起.....請見諒.......