箱根@ 21-3-2007

3月21日 (水矅日)  晴 池袋------> 箱根 (宿: 天成園別館~飛烟閣)

今日book 左 0930 由 新宿至箱根湯本既 romanic car, 所以打算0830出門口, 故唸住0730起身, 點知團員 f 一早就係樹嘈嘈閉, 攪到一早就醒左....

 跟住係房食早一晚買既早餐, 準時出發 !!

因早幾日已到過買飛, 所以已經熟路, 好順利地在0905 已到達小田急月台, 搵個位坐下, 放低行李, 便分頭去下廁所, 買下野飲, 準時坐上 romanic car 出發........

(新宿-----> 箱根湯本 0930-1105)

Romanic Car

到左箱根湯本, 好順利o甘搵到溫泉街既bus, 盛惠100 yen....到達酒店, 仲未夠鐘check in, 咪放低行李係 lobby, 跟住就展開今日既行程啦....

o黎到箱根湯本啦.....

由酒店沿路行番去車站, 途經一間賣乾魚既舖頭, 擺左個烤爐在門口比人自己燒魚試食,so funny....仲有昆布茶任沖任飲tim....正 .......

免費昆布茶.........

沿途仲有好多試食ga....正正.....haha....終於行番到車站, 見到bus 就上...仲要係第二個站(睇到"強羅公園前")就走落車.....點知去左個不知名既神社, 行完唸住搭番bus 走, 但係睇睇下....唔對路喎!!! 好似搭錯車, 都係決定先番湯本駅....

不知名神社

番到車站, 搵左一輪, 先搵到"箱根登山電車"站!! 本來唸住先去"大涌谷", 點知去到"強羅", 唸住轉車時, 又搭錯車

, 去到"雕刻之森"駅, 決定將錯就錯, 先到此一遊!! 俾左 1400 yen, 雖然貴d, 但都係值得ga....我地仲浸埋免費足湯, 正.....

雕刻之森

足湯....好舒服....

睇完之後, 我地就向"大涌谷" 出發啦....搭完"登山電車", 再搭"登山纜車", 仲要再轉"吊車".....先去到大涌谷....在吊車上, 風景真係超靚.....到左山上, 嘩.....仲靚呀....再食埋好有特色既黑玉子....影左大堆相, 就要走啦....因為要趕住搭1715 既尾班吊車!

大涌谷吊車

大涌谷黑玉子

大涌谷

影完相就快快走喇......跑呀跑....終於及時趕到, 轉一大輪車, 趕及係最後晚餐時間1900 回到溫泉旅館~~~天成園別館--飛烟閣...嘆左我們呢個trip 暫時最豐富既一餐dinner....

飛烟閣正正dinner....

食飽飽, 拿拿聲番房, 換上浴衣, 影下相, 即刻去浸溫泉....hehe....仲要浸晒o甘多個溫泉, 最正都係本館頂樓既露天風呂, 抬頭望漫天星星.....好好feel 呀....

浸完正正溫泉, 番房執下野!! 呀, 原來呢度要自己舖床ga....第一次舖 taitaimi, 攪左一大輪先攪掂.....正當好悠閒攤係度準備寫日記之際.......間房突然漆黑一片....原來跳左fulse, 立即打電話求救, 雞同鴨講左一大輪, 都唔知佢明唔明....不過好彩, 過左一陣, 就突然光番咋.....係呢個時候, 職員亦到達, 原來係團員 t 用酒店風筒吹頭出事

.....haha......攪掂晒, 終於可以寫埋篇日記.....2230 sleeping la......

去浸溫泉啦.....

飛烟閣---客室

飛烟閣客室裡的日式浴室

是日支出:

天成園別館---飛烟閣~~~三人房: 每人9300

溫泉街bus (兩程): 200

雕刻之森入場費: 1400

大涌谷黑玉子: 166

雜項: 250

手信: 1050

Total: 12166

   DAY 3 <----- DAY 4 完 -----> DAY 5