2007年7月22日 星期日

睇 show......

天氣熱, 人都變得好懶惰....(其實可能只是個藉口....)成個星期冇update 個blog 啦......

在剛過去的兩個週末, 分別睇左兩個截然不同既show....先講講上個星期六, 我去左香港文化中心睇我人生裡的第一次舞台劇~~~由魏綺珊, 唐寧, 陳文剛主演既

爆谷殺人狂

第一次睇舞台劇的感覺很有趣, 一班人係正你面前做戲, 感覺很逼真, 好有感染力....尤其是開槍場面真係好震撼.....真係一次另類既感受........

睇番埸刊既介紹, 原來呢個 "糊塗戲班" 既班主就係我地熟悉既前新聞之花~~~ 魏綺珊, 而戲班亦有很多不同的作品, 令我覺得很吸引, 下次有機會都要再次棒場呢......

散場後, 和主角的合照, 大家認得她是誰嗎......

我第一次睇的舞台劇~~~ 場刊和門票......對我o黎講, 都好有紀念價值ga.....

輪到講講昨晚啦.....我去左紅館睇港姐決賽, 原來現埸睇比在家睇更悶更悶的....這可能是加上坐在半山的關係吧...(凡地坐第27 行呀.....)如果唔係為睇我偶像, 真係請都唔去呀.....

嘩.....坐左成晚, 原本已經好眼訓, 但到左宣佈賽果時, 真係令人精神一振ga....因為賽果實在太出人意表啦.....尤其是宣佈冠軍o個刻, 簡直係全場震撼呀.....仲有是"噓聲" 四起啦.......嚇死人呀......

從半山影既相,你能說出相中人是誰嗎?? haha...... 

 

 

 


2007年7月9日 星期一

海逸美食會

我和為食fd 喵喵 唸左幾日, 終於決定在生活易網站以 $ 1699 既價錢買下 "海逸美食會" 既會籍....這張menber card 可以用不同折扣(視乎人數, 兩個人最抵, 半價....)惠顧佢旗下hotel 既餐廳, 最正梗係食buffet 啦.....呢個會籍最最最抵係附送各hotel 既雙人自助餐券各一張....計番已回本ga la....

而我同喵喵 已率先於上週六去都會海逸酒店食dinner buffet....佢地宜家做緊海鮮主題至7月尾, 加埋其他食物, 真係睇到已經開心, 一次根本冇可能試得晒呀......

有mud 好野食, 等我慢慢介紹下啦......首先, 話明係海鮮主題, 梗係先介紹主角啦.....                                   

海鮮菜色: 冷盤: 長脚蟹, 翡翠螺, 大蜆, 大蝦, 青口.....
熱盤: 薑蔥炒蟹, 焗帶子/蟶子, 蠔皇花膠燴貴妃片, 冬荀炒雙蚌, 炸蟹球, 燒白鱔, 豉汁蒸雪花蚌.....
BBQ : 大蝦, 青口, 魷魚....

琳琅滿目既冷盤海鮮....

My favourite~~~ 花膠呀....

其他正野仲有......

很有特色的自制刨冰....

朱古力噴泉....

印度咖哩

高級車仔麵既配料....

Haggen-Dazs icecream~~~我最愛的 mango nad chocolate....

我的精選甜品

haha....我唸庬同喵喵有左呢張卡之後.....o黎緊有排食啦.....實肥死啦......


2007年7月6日 星期五

Ocean Park

昨日趁住唔使番替工, 約埋朋友 "喵喵" 一齊去癲去玩去Ocean Park.....

在這大熱天時, 作出這個 "創舉", 真是自我的一大挑戰....haha.....

雖然真係熱到溶, 但都真係好好玩....

在熊貓館外先同兩隻假熊貓影番張相.....

第一次係下午四點幾去到, 淨係見到"樂樂" 係度瞓, 其他個幾隻都失左蹤呀.....

臨走前(7:00 pm 關門), 再到熊貓館一轉, 終於見到佢地啦.....

安安係到食緊竹呀.....好cute 呀......

樂樂 同 盈盈 一齊 "late" 係榭後面開餐......食到津津有味.....

食飽飽, 就搵野玩.....搵d竹葉蓋住自己.....

置身於熊貓世界.....

各式各樣的水母, 是我的至愛......

五彩繽紛既水底世界....

考眼力遊戲~~~ 請找出圖中的生物------- "草海龍"

我呢d無胆鬼, 唔夠胆刺激既機動遊戲, 淨係玩左兒童王國呢d....haha...

我最愛的"旋轉木馬"竟然變左 "旋轉熊貓" .....

最唔開心係唸住玩呢個新 game~~ "七彩昇空氣球", 點知排隊排到差唔多到我地時, 竟然因雷暴警告暫停, 直到夠鐘都冇開番, 激死我呀.....

我地由上午十一點玩到七點, 便盡興而回......

***大家想睇更多靚相, 就去相簿 look look la......


2007年7月2日 星期一

姬路城@29-3-2007



3月29日 (水矅日)   晴   新大阪---
姬路城---好古園   (宿: 新大阪東橫INN )

一早起來, 打開眼已經0810, 比預定時間遲了一點, 立即梳洗, 落去食無料BREAKFAST!! 落到去, 唸起"布引香草園" d info 唔夠, 便上網print 出來(print 野都係無料ga)....攪掂晒d 野, 即刻上房執野出發, 唸住趕0935班新幹線, but 趕餐死都係送車尾..... 不過都好, 等0959班車, 可以慢慢選位(自由席), 仲可以同新幹線影相影餐飽.....haha....





新大阪(JR新幹線)~~~ 姬路 (0959-1030)


來到姬路駅, 因為懶唔想行, 所以搭左100 yen bus 去姬路城!!

嘩......嘩....嘩......真係好壯觀呀(係我呢個旅程最滿意既景點之一)......宏偉的城堡, 嬌美既櫻花, 令我地足足行左三個鐘(加埋影相), 腳都軟晒....lunch 都唔得閒食呀....1400 行埋去"好古園", 先揾張長椅坐低, 食自備既乾糧當lunch 咋......呢度只係一般既庭園, 無mud 特別, 行左一陣, 1500 已經行晒la......原定行程, 下一站係去"布引香草園", 但見已經咁晏, 腳又軟, 決定取消行程, 然後在姬路一帶行下, 並在火車站旁的雪糕店食左個雪糕pancake 當high tea.....so relax.....1700 離開, 搭新幹線番新大阪......

初到姬路城, 天色有點灰, 影D 相都唔夠靚.....




好彩, 後來天色轉清, 比我影到好多靚相(係呢個旅程我最滿意既相), 好開心呀.....










"姬路城與櫻", 呢幾張係我最....最....最....滿意之作.....係咪好有post card feel 呢.....(我真係好覺得ga)












其他 姬路城 內靚相.....


































 





天守閣內一景





好古園 內靚靚相......






















呢朵花有mud 特別? 其實係........冇既.....只係想試下部相機影大特寫的效果only....haha...






姬路一帶街景






姬路(新幹線)~~~ 新大阪 (1714-1745)


回到新大阪, 係駅內逛下, 見一間餐廳幾抵, 就唸住先番hotel 放低野, 晏d 再番o黎食!!


1900再次出發, 去食dinner, 因我地選個間餐廳係站內, so 我地就用pass 入去食飯, 食完又so pass 番出來, so funny....haha.....1945回到hotel, 趁早冇人, 即刻上網 upload d 相, 2130 回房執野, 準備明天既和歌山之旅......2300 sleeping......


今天戰利品.....






是日支出:


Hotel: 4305


姬路城+好古園共通卷    720


手信: 3353


零食: 789


ice cream: 388


dinner: 660


TOTAL: 10415