4月4日(水矅日) 先晴後陰再下雨 新大阪 ~~~ 京都 ~~~ 新大阪 宿: 新大阪東橫INN
今天是最後一天京都之旅了! 0800起身梳洗，0830去食無料早餐，0900準時出發!
新大阪(新幹線) ~~~京都(0919-0934)
今天準備租和服外出拍照!所以一到京都，先找出要去地方的bus no,買了一日巴士卷，1015到達"夢館"，穿衣set頭，搞到1115出發!
1215先到達哲學之道，行左銀閣寺道一段，就進左銀閣寺參觀!
銀閣寺
在此兩處，觀光賞花加埋影相，1430才離開!再搭巴士去金閣寺，真係好靚呀!
係邊個角度睇都係咁靚既"金閣寺"
又影一大輪相，1615離開，目送特快巴士101走左，唯有搭另一架205，但要轉車。先去到和服店還衫!去到轉車站，要搭的巴士要1715先有車(當時1650),但要在1700前還衫!唉!唯有 by taxi la!盛惠1000 yen!
還完衫，又要搭車去"四季"拎番"舞妓體驗"d 相，攞完已經1815，去唔到"平安神官" la!唉!算la! (宜家唸番, 都覺得有d 可惜, 冇去到 平安神宮 呢個賞櫻名所!!)
之後, 就係三年板上的一間食店~~ "伊兵衛" (點解揀呢間~~~ 因為平LAW....係三年板, 一路行, 一路揀, 見呢間唔貴, 門面又OK, 就揀左呢間啦....好彩都冇揀錯.....)，試左京都名物-豆腐御膳，真係名不虛傳，從未試過如此香滑的豆腐!
我地叫左兩個set, 一個d 豆腐係熱食, 一個係凍食, 各有風味, 都係咁正.....
吃完，落山搭巴士BACK TO JR京都駅，在伊勢丹百貨行左一陣，2030番新大阪! 京都(新幹線) ~~~ 新大阪(2041-2055) 是日支出 : HOTEL: 4305 BURBERRY 電話繩: 6000 金閣寺"御守" : 1000 租和服& SET 頭 : 7450 金, 銀閣去共通卷: 900 京都一日巴士卷: 500 TAXI: 480 DINNER: 1935 TOTAL: 22570 
嘩!!!好羨慕ar 可以著和服賞櫻...正ar...請問銀閣寺去金閣寺係咪好近ga?
回覆刪除[版主回覆12/06/2007 15:42:00]首先, 多謝到訪.....
係呀....著和服賞櫻真係好好feel ga.....有機會真係要試下啊....
另外, 由 銀閣寺去金閣寺 都唔係近ga ....坐bus 加埋塞車都要成45mins ga.....
金閣寺好靚ar...可惜唔夠時間去 你都好鍾意旅遊bor...睇你d相就開心
回覆刪除[版主回覆12/06/2007 20:35:00]講到我D 相.....見笑LA.....
係呀....我好鐘意去旅遊GA.....努力儲$$.....儲完去玩.....玩完再儲.....
hi ~ 你好, 我晌yahoo search 租和服時見到你的blog ~!
回覆刪除謝謝有用資料,, 我係出年1月中去京都玩,
天氣應該好凍, 唔知仲有冇得租黎著呢...
d 和服款式ok 喎 ~ 係呢, 我見妳拎住個袋仔, 係租定係妳自己呀?
其實... 我係怕唔識同佢地溝通咋~
[版主回覆12/07/2007 23:00:00]應該都仲有得租的.....不過會凍D 啫, 不過佢地有披肩供應的(上面其中一張相黑色個件, 驚唔夠暖可以攞兩件.....), 另外, 我拎住個袋都係佢地供應的, 有好夕款可以選擇的.....(個PLAN 仲包埋對屐的...).....最後, 溝通方面唔使驚, 佢地其中一個識英文的, 所以絕對冇問題.....
你好呀～我係yahoo 睇大阪賞櫻遊記ｌｉｎｋ入黎
回覆刪除你ｄ相好靚呀～仲有著和服賞櫻應該好好ｆｅｅｌ
我想問下著和服行成日會唔會好唔方便架？？
仲有女仔租和服，男仔係咪無日本男士服裝架
[版主回覆01/12/2008 23:52:00]首先, 多謝你的到訪.....著和服最唔方便都係唔可以大步行.....要慢慢行LAW, 同埋逼巴士時有少少唔方便......其他都OK GA......
另外, 男士都有GA.....睇呢度LA......
http://blog.livedoor.jp/yumeyakata/
你好呀!!見到你07年賞櫻的相...好靚呀!!
回覆刪除我和家人在今年29/3- 5/4去京阪神..其中1/4~3/4在京都....因為今年天氣反常..好驚去到櫻花未開呀...
有兩個問題想問下你...
1)見到你著不少衫..請問上年的4月頭平均幾多度?
2)見到你在 三年板上的一間食店食 豆腐御膳..可以講我知清楚的地址或門口有沒有記認嗎?....
萬分感激~~~
[版主回覆02/28/2008 00:27:00]首先, 多謝你的光臨和讚賞....
你想知的問題.....
1, 上年4月頭的溫度都係得10度以下, 想清楚d, 比個網址你look look 丫.... 日本京都過去之天氣
2, 真係唔好意思呀, 呢個問題真係答唔到你, 因為我地當時只係睇左旅遊書, 知道京都我豆腐料理出名, 所以便一路行, 一路揀, 睇下邊間平d, 門面又ok 咋, 如果你叫我去多一次, 都未必搵到ga.... 其實三年板上都有好多選擇, 你地到時都可揀間啱心水的呢......
Bondy
回覆刪除我想問問租和服要上網 book, 定係 3日前打電話去呀 ??
thx !!
[版主回覆03/07/2008 19:43:00]HI,
我去呢次就係Walk-in 既, 本來都唸住book ga, 不過唔記得左....haha.....
不過你穩陣起見, 都係book 左先啦...上網book 都好easy.....如果再有問題, 可以再問我......
Bondy
回覆刪除我上網 book 左, 但可能日文, 所以我唔知係米選錯左, 佢cfm番我係 2 人情侶租, 我已話覆番佢, 得我一個人去租, 咁係米唔會租比一個人 ga ?? (因為今次去大阪得我一個人去咋)
仲叫我帶定果 d 白色襪, 如果冇帶就要係佢度買, 要 1070yen, 咁我想買呢d 襪去邊度買呀? 係米照係佢度買就ok呀?同埋係米包set頭同化妝, 所以 "鬼樣" 咁去都ok ga 啦??
多謝你的解答 !!
[版主回覆03/12/2008 19:24:00]一個人租應該冇問題的, 我當日都見有人是自己一個的....(不過如果你得一個人, 咪冇人幫你影相LAW, 好"SIDE" wor...)....
另外, d 白色襪你可以在花園街d 襪檔買, $10 對ga 咋, 你話要忍者襪就明ga la....
化妝, set 頭係唔包ga.....set 頭要加多二千幾yen (好似2100, 唔係好記得)....我都有比佢set, 妝就自己搽左少少粉同唇膏咋.....
我諗住自己自拍咋 !! 冇計啦, 一個人去旅行最大問題就係咁樣, 到時帶定小腳架拍下半身都好過冇咁啦 !! 我就係睇完你 d 相, 好羨慕, 所以得一個人都照去睇櫻花同租和服, 扮下日本娃娃 !!
回覆刪除多謝你既解答 !!
[版主回覆03/13/2008 16:59:00]你好叻呀 ....自己一個去旅行....我就仲未有呢份勇氣啦......
唔使咁客氣, 幫到你, 我都好開心....祝你有個愉快既旅程....
BTW...你都就快出發啦喎, 你係幾多號去幾耐呀? PLAN 左去邊呀?(好八卦..... )
好開心我係搵資料既時候搵到你既 blog, 好好睇又精彩, eg. 真係冇諗到可以去租和服影相, 睇完你個 blog 真係比你影響到ga !! ^^
回覆刪除我 8~15/4/08 去大阪 囉 !! 行程, 我都攪到暈暈地, 同埋 book 民宿, 好多都 full 左 (我已經2月尾開始 book) 可能係一個人關係, book single room 比較難d, 最後我 book 左新今宮果頭既 商務酒店 (8~11/4 & 13~14/4), 11~13/4 就 book 到京都既民宿 - 日本館 (唔知好唔好既呢, 不過夠近同方便)
其實我係想主打睇櫻花, 但係睇 d 情報, 我都睇到暈左, 所以我都唔係好知自己點 plan 好, 好似無從入手咁樣 !!
不如你比 d 行程意見我呀 !!
我 2 年前都試過一個人去東京 5 日, 其實如果唔驚悶, 自由自在咁玩, 其實都係好好既體驗!! 本身好想今年自己去雲南, 但係我 d fd 話大陸地方, 一個女仔去好似好危險咁樣.... 咁睇完你既 blog 米改去大阪囉 !! 你記唔記得我之前留過言比你, 追睇你既 "大阪32天遊" 哈哈 ! 我都係你 fans 黎 ga !!
死啦 !! 不知不覺打左咁多野問你, 唔好意 c 呀 !!
[版主回覆03/14/2008 17:49:00]哈哈.....多謝你咁欣賞我個BLOG.....可以同人分享自己既經驗而人地又咁欣賞, 都真係好開心GA.....
其實睇櫻花, 都真係好睇彩數, 不過你去既日子, 都應該有機會gei..... 丫.....你可以留意住"大阪造幣局"既開放日期, 你呢段日子都好大機會撞啱......
講到行程, 你跟我既咪得law(講笑.... ).....講番正經, 我比多個網址你丫...(唔知你睇過未...), 好正ga....係一個網友編既行程, 詳細過旅遊書ga, 有晒搭車方法, 揀啱景點跟住去, 真係好方便ga.....(我上次都print 左出來帶埋去ga.....)
http://www.ec2japan.com/phpBB2/viewtopic.php?f=11&t=1955